Kva betyr dei skogfaglege orda?
Skogbruksnæringa brukar ofte fagleg stammespråk seg imellom. Dette gjeld også for alr som handlar om stell av skog. Nokre ord vil vi forklare sidan du vil møte dei i dialogen med skogfaglege rådgjevarar.
Ung skog refererer til skogområde som er i ein tidleg fase av vekst etter at trea har vore planta eller naturleg forynga. Desse unge trea er vanlegvis mindre enn 10-20 år gamle, avhengig av skogtypen og regionen. Ung skog er normalt prega av høgt plantetal, relativt låg trehøgde og liten diameter. Ofte er dette suksesjonsskogar med mange ulike treslag som konkurrerer om lys og næring. Gradvis utviklar desse ungskogane seg til meir etablerte og modne skogar over tid.
Naturleg forynging er prosessen der nye tre veks naturleg i eit skogområde utan direkte menneskeleg innblanding. Det skjer når frø frå eksisterande tre blir spreidd naturleg og spirer, eller når nye tre veks frå stubbar, røter eller rotskot.
Ungskogpleie refererer til ei rekke tiltak som kan gjerast i unge skogar for å fremje sunn vekst og utvikling av trea. Dette kan vere å fjerne tre for å gje plass til nabotrea slik at dei kan vokse betre. Andre vanlege aktivitetar innan ungskogpleie inkluderer fjerning av ugras og konkurrerande vegetasjon rundt trea for å redusere konkurranse om lys, vatn og næring. Målet er å fremje utviklinga av sunne og produktive skogar som på sikt blir verdifulle som økosystem og ressurs.
Ei riktig gjennomført avstandsregulering skal justere eller optimalisere avstanden mellom trea i eit skogbestand for å gje god vekst og maksimere tømmerproduksjonen. Føremålet med avstandsregulering er å redusere konkurranse om lys, vatn og næring i jorda. Dette kan også bidra til å redusere risikoen for skadedyr og sjukdomar, samt lette tilgangen og påfølgjande skogsarbeid.
Tynning og avstandsregulering er ikkje ulikt, men er likevel forskjellige omgrep innan skogbruk. Begge tiltaka fjernar ein del tre på eit areal for å redusere tettleik. Ved tynning har trea normalt sett blitt så store at dei som blir tekne ut er i såkalla drivverdige dimensjonar, og dette er tømmer som du kan få betaling for. Tynning er meir omfattande enn avstandsregulering, så ryddesaga må bytast ut med større utstyr.
Omgrepet "framtidstre" vert brukt i skogbruket for å referere til eit tre i en skogbestand som er vald ut for å få lov til å vokse til full mogning utan inngrep. Desse trea vert sett på som framtidige kandidatar for hausting av høgkvalitets tømmer eller for å tene som "modertre" som kan produsere frø for å fornye skogen naturleg. Å identifisere og oppretthalde framtidstre er ein viktig del av berekraftig skogforvaltning. Desse trea kan også vere viktige som habitat for mange artar.