Beredskap

Inn på tunet (IPT): ved kriser er både dyr, menneske og tillit sårbare. Gardar i Inn på tunet må ha eigne beredskapsrutinar for brukarar, dyrevelferd og varsling. KSL-krava stiller tydelege krav til beredskapsplan og HMS.

Les meir på den generelle beredskapssida

Gardsbasert reiseliv: Ved gardsbasert reiseliv er det viktig med beredskap for både gjester, tilsette og dyr. Uventa hendingar som straumbrot, ekstremvêr, brann eller sjukdomsutbrot kan råke drift, tryggleik og omdømme.

Ha klare rutinar for varsling, evakuering, hygiene og mattryggleik – særleg om du tilbyr overnatting, servering eller dyr i aktivitetstilbodet. For gardar godkjende i KSL og tilknytte HANEN, er det krav om HMS og beredskapsplan.

Les meir på den generelle beredskapssida

Andelslandbruk: I andelslandbruk har du ansvar for både matproduksjon og opplevingar, ofte i tett kontakt med forbrukarar. Det gir behov for beredskap som tek omsyn til både drift og menneske. Ekstremvêr, skadegjørarar, sjukdom i åkeren eller straumbrot i kjøle- og vaskeanlegg kan få store konsekvensar for avling og tillit.

Beredskapsplanen bør omtale alternative leveringsformer, kommunikasjon med andelshavarar, sikring av mattryggleik og helse, og tiltak ved forseinka eller uteblitt avling. Ved arrangement, open gard og dugnadsaktivitet bør du ha rutinar for ansvar, hygiene og varsling.

Les meir på den generelle beredskapssida.

 

Jakt og fiske Ved jakt- og fisketurisme er tryggleik, ansvar og kommunikasjon avgjerande – både for deltakarar og vertskap. Beredskapsplanen bør dekke situasjonar som skade på deltakar, møte med rovdyr, sjukdom, uhell med våpen, uvêr eller bortfall av samband.

Dersom du tilbyr overnatting, servering eller transport, må planen òg innehalde rutinar for varsling, evakuering og trygg mat. Ved storviltjakt er det særleg viktig med rutinar for ettersøk, våpenhandtering og kontakt med kommune og viltmynde. Bruk gjerne lokale beredskapsressursar som jaktlag, helsetenester og fjellstyre.